ټرمپ پر جولان د اسراییل حاکمیت په رسمیت وپېژاند

د امریکا ولسمشر ډونلډ ټرمپ د یوې اعلامیې په لاسلیکولو سره پر جولان لوړو د اسراییل حاکمیت په رسمیت وپېژاند.

اسراییل پر ۱۹۶۷ کال د اسراییل او عربو شپږ ورځنۍ جګړه کې د سوریې دا سیمه ونیوله.

ملګري ملتونه دا سیمه د سوریې خاوره بولي.

ټرمپ دا اعلامیه د اسراییل د لومړي وزیر بن یمین نتن یاهو په مخ کې لاسلیک کړه چې دا مهال امریکا کې دی.

 

دا پرمختیا په اسراییل کې له ټولټاکنو دوه اونۍ د مخه کېږي چې پکې ښاغلی نتن یاهو بیا هم د لومړي وزارت لپاره نوماند دی.

بن یمین نتن یاهو ډونلډ ټرمپ ته وویل، دا پرېکړه په داسې مهال ده چې جولان له بل هر وخت د اسراییل امنیت ته ډېر مهم دی.

سوریه وايي، د امریکا دا ګام پر جولان غرونو د دوی د حاکمیت پر حق ښکاره برید دی.

سوریه دا هم وايي، چې په هره وسیله کېږي دا سیمه به بېرته نیسي.

خو  نتن یاهو د دوشنبې په ورځ واشنګټن کې خبریالانو ته وویل، چې اسراییل هیڅکله هم دا خاوره سوریې ته نه پرېږدي.

د روسیې غبرګون

جولان

د روسیې د بهرنیو چارو وزیر سرګي لاوروف هم له امریکايي سیال مایک پمپیو سره ټلېفوني خبرو کې د ښاغلي ټرمپ وروستۍ پرېکړه د نړیوالو قوانینو ښکاره خلاف ورزي بللې او ویلي یې دي چې دا ګام یې په سیمه کې تاوتریخوالي ډېروي.

د ملګرو ملتونو د سرمنشي یو ویاند هم وايي، چې د دې اداره له اند د جولان لومړو وضعیت کې هیڅ بدلون نه دی راغلی او لا هم نیول شوې سیمه بلل کېږي.

د امریکا ولسمشر څلور ورځې مخکې وویل د دې وخت راغلی چې متحده ایالتونه پر جولان لوړو د اسراییل حاکمیت په رسمیت وپېژني.

x

دا هم وګورئ

کندهاروالي:مسؤلي ادارې دي دښار چاپيريال ته ځانګړې توجه وکړي

کندهاروالي حيات الله حيات د اداري مجلس په اوونيزه غونډه کي د چاپيريال ساتني ادارې ...