دفاع وزارت په دغه وزارت کې د نویو ګمارنو خبر ورکوي

دفاع وزارت وايي چې یاسین ضیا د دې وزارت د لومړي مرستیال او ډګر جنرال بسم الله وزیري د وسله والو ځواکونو د لوی درستیز په توګه ټاکل شوي دي.

بسم الله وزیري تر دې مخکې د ځانګړو عملیاتو د قل اردو قوماندان و.

په هغه خبرپاڼه کې چې د سې شنبې په ناوخته دفاع وزارت خپره کړې، همداراز ویل شوي چې ډګر جنرال محمد شعیب په هوايي برخه کې د لوی درستیز د مرستیال او تورن جنرال عبدالفهیم رامین چې مخکې د ۷۷۷ ځانګړې لوا قوماندان و، د هوايي قل اردو د قوماندان په توګه ټاکل شوي دي.

د دفاع وزارت په خبرپاڼه کې په دې وزارت کې د څو نورو نویو ګمارنو خبر هم ورکړل شوی او ویل شوي دي چې دا کسان د دفاع وزارت د بېلابېلو وړاندیزونو او د ولسمشر محمد اشرف غني د حکم پر بنسټ ټاکل شوي دي.

خبرپاڼه وايي چې د ځانګړو عملیاتو د قل اردو د قوماندانۍ مرستیال محمد حیدر نېک‌پی به د نوي قوماندان تر ټاکل کېدو پورې د دې قول اردو سرپرست قوماندان وي.

x

دا هم وګورئ

په هرات ولایت کي د سیلابونو له امله ۱۵ کسان شهيدان سوي

په هرات ولایت کې پرونیو سیلابونو ۱۵ کسان وژلي او پراخ مالي تاوانونه يې اړولي ...