په لومړي ځل هلمند کي د لړمانو روزني فارم جوړ سوی دی

د هلمند د کرني ریاست مسئولین وايي: د لړمانو د روزني دې فارم کي ۱۷ زره لړمان تر روزني لاندي دي.

دوی وايي: د دې لړمانو زهر په نړیوالو مارکېټونو کي لوړ قیمت لري ، او د درملني لپاره کارول کیږي.

زهري لړمان به تر دې وروسته د وژلو پرځای نیول کیږي او بیا به پیسو پلورل کیږي.

لړم خلک چیچې ، ځکه نو په لیدو يې د هغه د وژلو تصمیم نیسي ، خو اوس داسي نه ده ، که دې لړم ولیدی ژوندی به يي نیسي او پر فارم والو به يي پلوري.

دا په هلمند کي د لړمانو فارم دی ، چي نږدې ۱۶۰۰۰ زره لړمان يي ساتلي دي.

دا ټول زهري لړمان دي ، چي پر فارم يي پیرمحمد په نوم یوه کس پانګونه کړې ده.

دی وايي : پخوا لړم یا وژل کېدی ، یا به نیول کېدی او په قاچاقي توګه به به نورو هیوادونو ته وړل کېده ، خو اوس يې دوی له خلکو پلوري او دلته يي ساتي.

لړمان د څه لپاره ساتل کیږي؟

د دې فارم مسئول پیرمحمد  وايي : دا لړمان په خورا مسلکي توګه ساتل کیږي ، په هرو دریو میاشتو کي یو لړم درې څاڅکي زهر تولیدوې ، چي د یو کیلو بیعه يي نږدې لس میلیونه ډالره دی.

د هلمند د کرني ریاست سرپرست رفیع الله قلم وايي : دغه ډول پانګوني په هیواد کي د اقتصادي پرمختګ لامل کیږي ، او دوی به په ټول توان خپله مرسته ورسره جاري ساتي.

دی وايي : له کندهار نیمروز او هلمند څخه دې فارم ته لړمان راوړل کیږي.

د دې فارم مسئول وايي : د لړمانو زهر په بهرنیو هیوادونکو کي د درملو په جوړونه کي کارول کیږي ، چي د بیلابیلو ناروغیو لپاره ترې ګټه اخیستل کیږي.

دی وايي : لړمانو ساتنه اسانه نه ده دلته د فارم د هوا د درجې کنټرول ، او د خاصو خوراکونو برابرولو لپاره يي کارونکي مسلکي روزنه لري.

خبریال: عبدالرحیم مطمین

10022 ټول کتل سوی شمېر 3 نن کتل سوی شمېر
x

دا هم وګورئ

ولايتي شورا وايي، دشهيدانو او معلولينو دحقونو څېړنه به وکړي

دولايتي شورا نوبتي غونډه، چي دشورا درئيس حاجي سيد جان خاکريزوال په مشرۍ جوړه سوې ...