زلمي خلیلزاد او ولسمشر اشرف غني افغانستان د اوربند پر امکاناتو خبرې کړي

د افغانستان د سولې لپاره د امریکا متحده ایالتونو د بهرنیو چارو وزارت ځانګړي استازي زلمي خلیلزاد له ولسمشر اشرف غني سره په کتنه کې په افغانستان کې د اوربند پر امکاناتو خبرې وکړې.

د ارګ د خبرپاڼې له مخې په دې کتنه کې چې تېره شپه په جمهوري ریاست کې وه، د اوربند سربېره له هېواده بهر د طالبانو د پټنځایونو پر ستونزې تمرکز وشو.

د ارګ په اعلامیه کې راغلي چې پر دې دوو موضوعاتو تر دې مخکې د امریکا له ولسمشر ډونالد ټرمپ سره هم تېره اوونۍ افغانستان ته د هغه د سفر پرمهال په بګرام کې خبرې شوې وې.

د اوربند مساله پخوا تل طالبانو رد کړې وه او ویلي یې و چې کله بهرني ځواکونه ووځي په خپله اوربند راځي.

د ښاغلي خلیلزاد دفتر ازادي راډیو ته په یوه پيغام کې څرګنده کړې چې خلیلزاد به په قطر کې له طالبانو سره وګوري او له هغوی سره به پر هغو لارو چارو خبرې وکړي چې بین الافغاني خبرې وشي، د شخړو کمېدو ته زمینه برابره شي ترڅو اوربند ټینګ شي.

رویټرز اژانس د امریکا د بهرنیو چارو وزارت په استناد خبر ورکوي چې زلمی خلیلزاد به له کابله بیرته قطر ته ولاړ شي او له طالبانو سره به د سولې خبرې مخته یوسي چې ښایي دا خبرې اوربند ته لاره هواره کړي.

566 ټول کتل سوی شمېر 3 نن کتل سوی شمېر
x

دا هم وګورئ

د دوست هيواد هندوستان دجمهوريت ۷۱ کليزه ولمانځل سوه

ديکشنبې په ورځ په کندهارکي د دوست هيواد هندوستان قونسلګرۍ ددغه هيواد دجمهوريت د۷۱ کليزي ...