کرکټ: افغانستان او ویسټ انډیز نن یوه ورځنۍ لوبه کوي

افغانستان د کرکټ ملي ټيم نن چهارشنبه د ويسټ انډيز پر وړاندې پنځوس اووره يا يو ورځنۍ سیالي کوي.

د هندوستان په لکنو کې د سیالیو دغه لړۍ د افغانستان په کوربه توب ترسره کېږي.

د افغانستان د کرکټ بورډ وياند فريد هوتک ازادۍ راډيو ته وويل، نننۍ مسابقه ماسپښين پيلېږي.

هغه زیاته کړه: “ټاکل شوې نن د افغانستان د کرکټ ملي لوبډله د ويسټ انډيز د کرکټ له ملي لوبډلې سره خپله لومړۍ پنځوس اووريزه لوبه پيل کړي، دغه لوبه به د کابل پر وخت د ماسپښين يوه بجه پيل شي.”

افغانستان او ويسټ انډيز به خپله دويمه يو ورځنۍ مسابقه راتلونکې شنبه او درېیمه يو ورځنۍ مسابقه د دوشنبې په ورځ وکړي.

په هندوستان کې به دواړه هېوادونه درې شل اووره سیالي هم کوي چې د نوامبر پر ١٤مه، ١٦مه او ١٨مه به وي.

بله سیالي به ټيسټ لوبه وي.

554 ټول کتل سوی شمېر 3 نن کتل سوی شمېر
x

دا هم وګورئ

دکندهارښارپه اوومه ناحيه کي د اورښت له امله ديوه کورخونه نړېدلې،چي له امله يې لسګونه څاروي مړه سوي

دغه پېښه تېره ورځ رامنځته سوې، چي ددې کور د اوسېدونکو په وينا پکښي شاوخوا ...