ایران: د سولې هغه غونډو کې ګډون کوو؛ چې د افغان حکومت رسمي استازي هم پکې وي

ایران وايي د افغان سولې په اړه یوازې په هغو غونډو کې ګډون کوي چې د افغان حکومت استازي پکې موجود وي.

د ایران د بهرنیو چارو وزارت چارواکو له افغان سفیر غفور لېوال سره په ګډه خبري غونډه کې ویلي، په دې وروستیو کې روسیې وړاندیز ورته کړی چې د افغانستان د سولې په اړه له جوړېدونکو غونډو سره یو ځای شي.

د ایراني چارواکو په وینا دوی یوازې په هغه غونډه کې ګډون کوي چې د افغان حکومت رسمي استازي پکې موجود وي. ایران له افغان سولې ملاتړ څرګند کړی دی، خو وایي له هغې سولې ملاتړ کوي چې افغان حکومت پکې حاضر وي، د افغانانو په مالکیت وي او په دغه هېواد کې روانې جګړې پای ته ورسوي.

ایران داسې مهال دغه څرګندونې کړې دي، چې روسیې له څلور اړخیز بهیر سره ددغه هېواد د یو ځای کېدو غوښتنه کړې وه.

323 ټول کتل سوی شمېر 6 نن کتل سوی شمېر
x

دا هم وګورئ

د کندهار موزيم شاوخوا ۸۵۰ قلمه تاريخي او لرغوني آثار لري

د کندهار د اطلاعاتو او فرهنګ رياست مسولين وايي، چي د کندهار موزيم د هيواد ...