نن په اسرائیل کې پارلمان دوه ویشتمې دورې لپاره انتخابات کېږی

د مرکزی شین او سپین ګوند مشر متقاعد پوځی بینی ګانتز د اسرائیل اوسنی صدراعظم بنیامین نتنیاهو د لیکود ګوند پر وړاندې انتخاباتو ته دریدلی.

ښاغلی نتنیاهو غواړی چې د څلورم ځل لپاره په انتخاباتو کې بریالی شی، خو په دې ټاکنو کې ګانتز د ده سخت سیال دی.

داسې اټکل کیږی چې د دې انتخاباتو نتیجه به ډیره سره نژدې وی او که په دې ټاکنو کې کوم یو مخکې شو، هغه به غوڅ اکثریت خپل نه کړی او اړ به وی چې له وړو ډلو سره ایتلافی حکومت جوړ کړی.

د اټکلونو له مخکې د دواړو مخکښو کاندیدانو هرګوند ښایی د اسراییل د ۱۲۰ کسیز پارلمان شاوخوا ۳۲ څوکۍ خپلې کړی.

د اسراییل له نژدې نهه میلیونه نفوس څخه شاوخوا شپږملیونه او ۳۰۰ زره وګړی د رای ورکولو مستحق دی.

692 ټول کتل سوی شمېر 3 نن کتل سوی شمېر
x

دا هم وګورئ

کندهار: خبريالان وايي معلوماتو ته نه لاس رسی لا هم د دوئ په وړاندي جدي ستونزه ده

په کندهار کي خبريالانو او د رسنيو د دفاع بنسټونو ولسمشرۍ ماڼۍ ته شکايت وکړ،چي ...