دکندهار داطلاعاتو او کلتور لپاره نوی رئیس وټاکل سو

د نوی رئیس د ټاکلو لپاره دچهارشنبې په ورځ په همدې ریاست کی غونډه جوړه سوې وه، چی پکښی مرستیال والی عبدالحنان منیب، د اطلاعاتو او کلتور ریاست فرهنګی معین پوهاند رسول باوری، ددې وزارت سلاکار ډاکتر طارق رشاد، ځوانانو، مدنی فعالانو او ګڼ شمېر نورو کسانو ګډون کړی وو.

غونډی ته لومړی داطلاعاتو او کلتور وزارت سلاکار ډاکتر طارق رشاد خبری وکړې او دخپل وزارت هغه ګڼه مکتوب یې ولوست چی دکندهار داطلاعاتو اوکلتور دنوی رییس حکمت الله افغان دټاکلو په اړه صادر سوی دی.

ښاغلی رشاد وویل، هیله من دی چی نوی رییس به په پوره اخلاص او صداقت دې مهمی ادارې ته کار وکړی.

د اطلاعاتو او فرهنګ وزارت معین پوهاند رسول باوری بیا غونډی ته په وینا کی وویل، چی دکندهار داطلاعاتو کلتور ریاست او نوی مشرتابه باید په خپل ټول توان هڅه وکړی، چی باید له تاریخی اړخه دکندهار برم او عزمت وساتی.

پر همدې مهال بیا مرستیال والی عبدالحنان منیب داطلاعاتو او کلتور وزارت له راغلی پلاوی مننه وکړه، چی هر وخت یې دکندهار سره فرهنګی او تاریخی برخه کی همکاری کړې ده.

ښاغلی منیب دغه راز نوی ټاکل سوی ریس ته په کارونو کی دبریا هیله وکړه.

داطلاعاتو او کلتور نوی ټاکل سوی رییس حکمت الله افغان ژمنه وکړه، چی دخپل ریاست چاری به په پوره ایماندارۍ مخته یوسی.

هغه په دې برخه کی دخپل وزارت او کندهار ولایت مقام دهمکارۍ غوښتونکی سوو.

باید وویل سی چی دکندهار داطلاعاتو او کلتور ریاست له تیرو دوو کالو راهسی د سرپرست رییس له لوری اداره کیدی.

خبریال: رحیم الله رحیمی

x

دا هم وګورئ

دکندهاروالی په مشرۍ جوړه سوې امنیتی ناسته کی د ولسوالیوپر امنیت او دحجاجوپرانتقال خبری وسوې

د چهارشنبې په ورځ د امنیتی مجلس اوونیزه غونډه، چی د کندهاروالی حیات الله حیات ...