کرېکټ: په ۲۰۱۸ کال کې د راشد خان نوي رېکارډونه

د افغانستان وتلي توپ اچوونکي (بالر) راشد خان په ۲۰۱۸ کال په ۵۰ اوریزو لوبو کې تر ټولو ډېرو وېکټو اخيستو ريکار‌ډ په خپل نامه کړی. نوموړي‌ د يو ورځنيو نړيوالو لوبو په ۲۰ سياليو کې تر ټولو ډېرې ۴۸ وېکټې ترلاسه کړي دي.

په نړيوالو يو ورځنيو سياليو کې د راشد خان تر څنګ د ډېرو وېکټو اخيستونکو په لست کې د هند کودليپ يادهو په دویم، د انکلنډ عادل رشيد په درېيم او مجيب الرحمان ځدراڼ په څلورم نمبر دي.

همدا ډول راشد خان د ۲۰۱۸ کال لومړی لوبغاړی دی چې د کلبونو په کچه په شل اوريزو سياليو کې يې تر ټولو ډېرې ۹۶ وېکټې اخيستې دي.

له دې وړاندې ۲۰۱۷ کال کې هم راشد خان د ۸۰ وېکټو په ترلاسه کولو د دغه کال د ډېرو وېکټو اخيستونکی لوبغاړی و.

راشد خان تر دې مهاله ټولې ۱۴۲ شل اوريزی سيالۍ کړې او ۲۱۴ وېکټې يې اخيستې دي، همدا ډول یې ۵۲ یو ورځنۍ سيالي کړې او ۱۱۸ وېکټې يې اخيستې دي.

x

دا هم وګورئ

په هرات ولایت کي د سیلابونو له امله ۱۵ کسان شهيدان سوي

په هرات ولایت کې پرونیو سیلابونو ۱۵ کسان وژلي او پراخ مالي تاوانونه يې اړولي ...