چارواکي: په غزني کې ۳۰۰ طالبان وژل سوي دي

د غزني امنیه قوماندان غلام داود تره خیل وویل چې افغان ځواکونو د تندر په عملیاتو کې طالبانو ته درنه مرګ ژوبله اړولې ده.

تره خیل وايي: “د عملیاتو له پیل راهیسې په ناوه، گیلان، مقر، اندړ او قرباغ کې کوماندو ځواکونو ۳۰۰ مخالفین وژلي دي. “

ښاغلی تره خیل زیاتوي په پام کې ده چې د ده یک او خواجه عمري ولسوالۍ ډیر ژر حکومتي ادارې له سره بیرته خپل فعالیت پیل کړي، او بل هدف دا دی چې د کابل – کندهار لویې لارې شاوخوا کې چاڼیز عملیات ترسره کړي، چې مخکې طالبانو په یو شمیر برخو کې له خلکو پیسې اخیستې.

د غزني د والي ویاند محمد عارف نوري وايي چې د مالستان او جاغوري ولسوالۍ چې څو اونۍ مخکې پکې د طالبانو بریدونه زیات وو له مخالفینو پاکې شوې دي، او په پام کې ده چې دغو ولسوالیو کې نږدې ۱۰۰۰ سرتیري ځای پرځای شي.

x

دا هم وګورئ

دشهيد عبدالاحدکرزي د روزنتون پر زده کوونکو البسه توکي و وېشل سوه

د شنبې په ورځ د سرپرست والي عبدالحنان منيب له لوري د شهيد عبدالاحدخان کرزي ...