رهبرانو د جورج، اېچ، ډبليو بوش جنازې ته د احترام مراتب پرځاى کړل

د نړۍ رهبرانو د امريکا متحدو ايالتونو په پلامېنه واشنګټن ډي سي کې د پخواني ولسمشر جورج، اېچ، ډبليو بوش جنازې ته د احترام مراتب پرځاى کړي.

د ده مړى چې پرون د کانګرس په ودانۍ کې ايښوول شوى و، د ښخېدو لپاره ملي کليسا ته ولېږدول شو.

د امريکا يوڅلوېښتم ولسمشر جورج، ايچ، ډبليو بوش د جمعې په ورځ د ٩٤ کلونو په عمر مړ شو.

ده له اوږدې مودې راهيسې د پارکينسن يا د اندامونو د رېږد له ناروغۍ ځورېده.

د هغه زوى جورج، ډبليو بوش چې دى هم د امريکا ولسمشر پاتې شوى، د خپل پلار مړي ته د احترام د ادا کولو پر مهال دى نجيب شخص او تر ټولو غوره پلار وباله.

د درناوي په دغو مراسمو کې د امريکا درې نور ولسمشران جيمي کارتر، بېل کلېنټن او بارک اوباما هم له خپلو مېرمنو سره حاضر وو.

د امريکا ولسمشر ډونالډ ټرمپ چې مخکې يې د بوش پر کورنۍ انتقاد کړى و، له لومړۍ مېرمنې ميلانيا ټرمپ سره دغو مراسمو ته ورغلى و.

د درناوي د اداينې په دغو مراسمو کې د نورو رهبرانو تر څنګ د بريتانيا شهزاده ويلز، د جرمني صدراعظمه انګېلا ميرکل او د اردن پاچا دوهم عبدالله هم حاضر و.

رد

ستاسو برېښنالیک به هیڅکله خپور نه سي په نښه سوي برخي اړیني دي *

*

x

دا هم وګورئ

د معروف اوسېدونکو د مرستیال او سرپرست والي عبدالحنان منیب سره وکتل

د معروف ولسوالۍ قومي مشرانو او ولسي خلګو په یاده ولسوالي کي موجوده ستونزي له ...