د ایران ولسمشر یو ځل بیا د هُرمز تنګي د بندولو خبرداری ورکړی

د ایران ولسمشر حسن روحاني یو ځل بیا د هُرمز تنګي د بندولو خبرداری ورکړی دی.

له دې تنګي څخه د نړۍ تقریباً درېیمه برخه هغه تیل تیرېږي چې د سمندر له لارې انتقالېږي.

د ایران دولتي ټلوېزېون د سې شنبې په ورځ د ولسمشر حسن روحاني له قوله وویل، که کومه ورځ امریکا پریکړه وکړه چې د ایران د تیلو د صادارتو مخه ونیسي، له فارس خلیج څخه به هېڅ تیل صادر نه‎شي.

حسن روحاني همدارنګه ژمنه کړې چې د امریکا متحده ایالات به د ایران د خامو تیلو د صادراتو مخه ونه نیسي.

هغه مهال چې ولسمشر ټرمپ د ایران او د نړۍ د پیاوړو هېوادونو ترمنځ له اټمي تړونه امریکا و ایستله او خبرداری یې ورکړ چې د ایران د تیلو د صاداراتو مخه به ونیسي، د ایران ولسمشر په ورته توګه د هُرمز تنګي د بندولو خبرداری ورکړی و.

د ایران د قدس ځواک قوماندان جنرال قاسم سلیماني هغه وخت د روحاني د دې خبرداری هرکلی کړی و.

رد

ستاسو برېښنالیک به هیڅکله خپور نه سي په نښه سوي برخي اړیني دي *

*

x

دا هم وګورئ

د معروف اوسېدونکو د مرستیال او سرپرست والي عبدالحنان منیب سره وکتل

د معروف ولسوالۍ قومي مشرانو او ولسي خلګو په یاده ولسوالي کي موجوده ستونزي له ...