پاکستانۍ عیسوۍ آسیې بي بي په توره شپه له پاکستان نه پښې سپکې کړې

پاکستانۍ عیسوۍ ښځې، آسیه بي بي، چې ادعا کېدله رسول الله (ص) ته یې (نعوذباالله) سپکې سپورې ویلې وې بېګا شپه په شپه له پاکستان څخه پښې سپکې کړې او ووتله.

د پاکستان اېکسپرېس ټریبیون ورځپاڼې په خپل وېب سایټ لیکلي، چې آسیه بي بي چې له تېرې چارشنبې /د اکتوبر۳۱مې/ راهیسې د پاکستان د ملتان په جېل کې وه بېګا ماښام په داسې حال کې چې له جېل څخه تر هوایي ډګر پورې لاره د لږ وخت لپاره بنده وه، د امنیتي ځاکونو په یوه ځانګړي کاروان کې هوایي ډګر ته ورسول شوه.

ایکسپرېس ټریبیون لیکي، چې وروسته هغه د یوې ځانګړې الوتکې په وسیله له ملتان څخه د اسلام اباد هوایي ډګر ته بوتلل شوه، او بیا د یوې بلې الوتکې په وسیله له پاکستان څخه د کوم نامعلوم هېواد په لوري لاړه.

ویل کیږي، چې تر دې مخکې د آسیې مدافع وکیل سیف الملوک په هالنډ کې پناه اخیستې وه، او د بي بي سي اردو خبریال شهزاد ملک تایید کړه چې آسیه بي بي او کورنۍ یې هم هالنډ ته پر لاره دي.‌

ویل کیږي، چې د پاکستان د قانون له مخې، هغه کس ته چې د اسلامي مقدساتو سپکاوی وکړي د مرګ سزا ورکول کیږي، خو آسیه بي بي د اکتوبر په ۳۱مه د سترې محکمې له خوا له دې امله برأت ترلاسه کړ چې محکمې وویل چې په هغې لګېدلی تور دروغ او شواهد یې کافي نه ول.

رد

ستاسو برېښنالیک به هیڅکله خپور نه سي په نښه سوي برخي اړیني دي *

*

x

دا هم وګورئ

د تخته پل ولسوالۍ قومي او ولسي مشرانو دمرستيال او سرپرست والي سره وکتل

د شنبې په ورځ د تخته پل ولسوالۍ يو شمېر قومي او ولسي مشرانو له ...