د مولانا سمیع الحق وژنه به د افغانستان پر جګړې څه اغېز وکړي؟

د مشرانو جرګې اداري پلاوی وايي، د پاکستان د جمعیت علمای اسلام د مشر مولانا سمیع الحق وژنه به تر یوه بریده د افغان طالبانو پر روحیې هم اغېز وکړي.

د پاکستان د جمعیت علمای اسلام د مشر مولانا سمیع الحق له وژل کېدو یوه ورځ وروسته د افغانستان د مشرانو جرګې اداري پلاوی وايي، دوی هېله مند دي چې دا پېښه په افغانستان کې د جګړې د کمېدو لامل شي.

د یادې جرګې لومړی مرستیال محمد عالم ایزدیار وايي، مولانا سمیع الحق په افغانستان کې د جګړې په ګرم ساتلو کې مثبت رول لوباوه چې وژنه به يې په یو نه یو ډول پر افغان طالبانو هم اغېز وکړي.

افغان سیاسي کارپوهان هم دغه مطلب ته په اشارې سره وایي چې د مولانا سمیع الحق وژنه به له اروایي پلوه پر افغان طالبانو خپل اغېز ولري.

افغانانو په ټوله کې مولانا سمیع الحق د افغانستان د جګړې ستر ملاتړ کوونکی باله او اوس هم وایي چې هغه به د پاکستان د استخباراتي شبکې ناسم سیاست دلته پلی کاوه.

د مولانا سمیع الحق په وژلو سره په ټولنیزو رسنیو کې هم غبرګونونه همدا وو چې له دې سره به په افغانستان کې جګړه راکمه شي.

رد

ستاسو برېښنالیک به هیڅکله خپور نه سي په نښه سوي برخي اړیني دي *

*

x

دا هم وګورئ

د تخته پل ولسوالۍ قومي او ولسي مشرانو دمرستيال او سرپرست والي سره وکتل

د شنبې په ورځ د تخته پل ولسوالۍ يو شمېر قومي او ولسي مشرانو له ...