د هلمند عامي روغتیا ریاست لس ټنه تر وخت تېر درمل او خوراکي توکې وسوځول

د عامي روغتیا ریاست وايي: دا درمل او خوراکي توکي يي د شپږو میاشتو په موده کي د لښکرګا ښار له بیلابیلو برخو راټول کړي وه.

په داسي حال کي ، چي د لښکرګا ښار اوسیدونکي د بې کیفیته او تر وخت تېرو درملو څخه شکایت کوي ، د عامي روغتیا ریاست وايي : د څېړني ټیم يي پر خپل وخت له ټولو هټیو او درمل پلورنځیو څخه لیدنه او څارنه کوي.

د عامي روغتیا رئیس ډاکټر امین الله عابد چي ، تر وخت تیردرمل او بې کیفیته خوراکي توکي یې سوځول ، وویل : دوی نه یوازي په لښکرګا ښار بلکه په یو شمېر ولسوالیو کي هم له درملتونونو او هټیو څېړنه او بر رسي کړې ده.

دی وايي : تر وخت تېر درمل د ناروغیو زېږنده ده ، او اجازه نه ورکوي ، چي درمل پلورونکي او هټیوالو پرخلکو دغه ډول بې کیفیته توکي وپلوري.

دغه درمل د لښکرګا ښار په یو شمېر سیمو کي سوځول کيږي ، چي له پاته شونو يي بیرته ناروغۍ خپریږې.

ډاکټر امین الله عابد وايي : د دې ستونزې د حل لپاره د ښاروالۍ ټېم ورسره دی ، او ټول پاتي شونې به تر خاورو لاندي کیږي.

د ښاروالۍ مرستیال انجنیر محمد نسیم مسرور وايي : دوی به د عامي روغتیا ریاست له لارښووني سره د سوځېدلو توکو ټول پاتي شوني تر خاورو لاندي کړې ، ترڅو هم د ناروغیو د خپراوي مخنیوی وسي او هم چاپیریال ککړ نسي.

دا پداسي حال کي ده ، چي څو ورځي وړاندي د ولایت مقام مرستیال په ګرشک ولسوالۍ کي نږدې څلوېښت داسي درملتونونه وتړل ، چي په غیر معیاري توګه يي پر خلکو درمل پلورل.

لا هم د هلمند په یو شمېر ولسوالیو کي خلک معیاري روغتیايي خدمتونو ته لاس رسۍ نه لري ، او د لیري پرتو سیمو په روغتیايې مرکزونو کي غیر مسلکي کسان طبې خدمتونه وړاندي کوي.

خبریال: مطمین

رد

ستاسو برېښنالیک به هیڅکله خپور نه سي په نښه سوي برخي اړیني دي *

*

x

دا هم وګورئ

سعودي عربستان: د هر ډول بندیز ځواب به ورکړو

سعودي عربستان خبرداری ورکړی د هر هغه بندیز ځواب به ورکړي چې د جمال خاشقجي ...