جمهور رئيس په کندهار کي د پوليو د مثبتو پيښو پر زياتوالي اندېښنه وښودل

د پنجشنبې په ورځ جمهور رئيس محمد اشرف غني د کندهار ولایتي ادارې د مسؤلينو سره د ويډيو کنفرانس د لاري په خبرو کي وويل، چي د هيواد په کچه د پوليو ډيري مثبتي پيښي د کندهار په شاوليکوټ ولسوالۍ او د ښار په نهمه ناحيه لويه وياله سيمه کي ثبت سوي دي.
ولسمشر مرستيال والي عبدالحنان منيب ته لارښوونه وکړه، چي د پوليو د مخنيوي په برخه کي جدي ګامونه واخلي او په دې برخه کي يې د ټولو اسانتياوو د برابرولو ډاډ ورکړ.

a

جمهور رئيس وايي افغانستان د پوليو په له منځه وړلو کي پرمختګ کړی، خو په کار ده چي په بشپړه توګه يې له منځه يو سو. جمهور رئيس محمد اشرف غني دغه څرګندوني د پنجشنبې په ورځ د کندهار، ننګرهار، کنړ، هلمند، او فراه ولایتونو د والیانو او ښاروالانو سره د VTC کنفرانس پر مهال وکړې.
جمهور رئيس د ياد کنفرانس پر مهال وويل چي افغانستان د پوليو په وړاندي اغیزمنه مبارزه کوي. هغه په خپلو خبرو همداراز وويل چي افغانستان د پوليو په له منځه وړلو کي پرمختګ کړی، خو په کار ده چي دغه وایروس په اساسي او بشپړه توګه له منځه يو سو.
د هيواد جمهور رئیس د ټولو ولایتونو والیانو ته هم هدایت وکړ، چي د پوليو په له منځه وړلو کي جدي هڅي وکړي او ديني عالمان، قومي مشران او مدني ټولني وهڅوي، ترڅو د واکسین د تطبیق لپاره تبلیغات وکړي.
جمهور رئيس محمد اشرف غني همداراز د کندهار په سپين بولدک او د ننګرهار په تورخم کي د راتلونکو ګډوالو پر واکسین کولو هم ټينګار وکړ. جمهور رئيس د عامي روغتيا وزارت ته هم دنده وسپارل چي په ليرو پرتو ولسواليو کي د پوليو په وړاندي د واکسین دوامداره کمپاينونو ته لاره هواره کړي.

د جمهور رئيس محمد اشرف غني تر وينا او لارښونو وروسته د ولایتونو واليانو خبري وکړې او د پوليو په وړاندي د واکسین د تطبیق او په دې برخه کي يې د خپلو لاسته راوړنو په اړه معلومات وړاندي کړه.

aa
د هيواد جمهور رئيس ته لومړی د کندهار مرستیال والي عبدالحنان منيب د پوليو په وړاندي د واکسين په تطبیق کي د خپلو اجرآتو او سته ستونزو په اړه معلومات وړاندي کړه.
مرستیال والي وويل، د پنځو ولسواليو پرته په ټول کندهار کي د پوليو کمپاينونه تطبیق سوي او ټول کوچنيان د پوليو په وړاندي واکسين سوي دي.
ښاغلي منيب وويل، ولايتي ادارې د قومي مشرانو، دیني عالمانو او مدني فعالانو سره ګډي ناستي کړي او هڅه کوي په پاته پنځو ولسواليو کي هم واکسین تطبیق کړي.
مرستيال همدارنګه د هيواد جمهور رئيس ته ډاډ ورکړ چي ولایتي اداره به د پوليو په وړاندي د واکسين په تطبیق کي لا هم کوټلي ګامونه واخلي.

وروسته د ننګرهار، کنړ، هلمند، او فراه ولایتونو واليانو هم خبري وکړې او جمهور رئيس ته يې د پوليو په وړاندي د واکسين په تطبیق د جدي کار کولو ډاډ ورکړ.

راپور: نثار احمد احمدي

3368 ټول کتل سوی شمېر 3 نن کتل سوی شمېر

رد

ستاسو برېښنالیک به هیڅکله خپور نه سي په نښه سوي برخي اړیني دي *

*

x

دا هم وګورئ

26904488_1447871745335592_5097364843060456586_n

په کندهار کي لږ باران د خلګو ډېري هيلي را ټوکولي دي

که څه هم د وچکالۍ د بيري په کندهار کي څو ځله د باران غوښتلو ...