پېښور: د کرني پر روزنیز مرکز ډله ییز برید کي نهه کسان وژل سوي

_99012087_138171f2-071f-4b4d-b4a1-7e93b6543894

د خیبر پښتونخوا په مرکز پېښور کي د کرني وزارت پر یوه روزنیز مرکز ځانمرګو بریدکوونکو ډله ییز برید کړی چي له امله یې نهه کسان وژل سوي او ۸ نور ټپیان دي. د تحریک طالبان پاکستان ډلي ویلي دغه برید دوی کړی دی.

چارواکو ویلي، چي په برید کي د یوه څوکېدار په ګډون ۹ محصلان وژل سوي او ۸ نور ټپیان سوي دي.

د پېښور چارواکي وايي، په وژل سوو کي ډېر کسان محصلین دي. ویل کېږي برید داسي مهال پیل سو، چي لیله کي ډېری محصلین بيده وو.

د خیبر پښتونخوا پولیسو مشر صلاح الدین مسعود رسنیو ته وویل: درې بریدګر په چادریو یا برقعو کي یوه رکشه کي سیمې ته راغلي وو.

نوموړی وايي ترلنډ ځنډ وروسته امنیتي ځواکونه د پېښې ځای ته ورسېدل او له دوو لیلیو یې بریدګر تر یوې لیلې پوري محدود کړل. ” د نوموړي په وینا که بریدګر دویمې لیلې ته رسېدلي وای، ښايي تلفات ډېر سوي وای. ”

تحریک طالبان پاکستان ډلي ویلي دغه برید دوی کړی او ادعا یې کړي چي بریدګرو یې د پاکستان د څارګري ادارې په پټنځاي کي د دې ادارې لسګونو کسانو ته مرګژوبله اړولې ده.

x

دا هم وګورئ

د کندهار د ملي امنیت ریاست د ترهګريزو بريدونو پنځه کسيزه ډله نيولې

يادو کسان په کندهارښار او ولسواليو کي وسله وال ترهګريز او چرکي بريدونه ترسره کول،چي ...