د بهرنيو ځواکونو پر موټريز کاروان بريد ۵ تنو ته مرګ ژوبله اړولې

دغه ځانمرګی بريد د يک شنبې په ورځ ماپښين مهال د کندهار ښار د پنځمي حوزې اړوند دامان ولسوالي او ښورندام ته څېرمه د سپين بولدک او کابل سړک پر بای پاس د موټر بم په وسيله سوی. د بريد قربانيان ټول ملکي وګړي دي، چي يوه ښځه شهيده سوې او څلور تنه پکښي ټپيان سوي دي.

fff

دا دود او خاوري د هغه موټر بم دي، چي د يکشنبې په ماپښين د بهرنيو ځواکونو پر موټريز کاروان تر سره سو. د بريد ټول قربانيان ملکي وګړي دي ، چي پر دغه سړک يې تګ راتګ کاوه.

عيني شاهدان او د بريد د قربانيانو د کورنۍ غړي وايي، بريد وحشيانه وو او د دوی مور يې ور شهيده کړه. دغه کس وايي، په خونه کي ناست وه، چي يودم ورباندي توره ورځ او دوړه سوه، او د موټر بم چاودني مالي او ځاني زيان ورته اړولی.

fff

د کندهار د والي وياند قدرت الله خوشبخت وايي، په دغه پېښه کي يوه ښځه شهيده سوې او څلور کوچنيان ټپيان سوي دي، خو بهرنيوځواکونو ته پکښي کوم زيان نه دئ رسېدلی.

عبدالقاهر هغه کس دئ، چي کورنۍ يې د دغه بريد ښکار سوې ده، دی دغه ډول بريدونه د اسلاميت او افغانيت خلاف کار بولي او له عاملونو څخه يې غوښتنه کوي، چي د ملکي وګړو ژوند ته دي پام وکړي.

په کندهار کي دامهال خورا ښه امنيت تامين دئ، اما وسلوال مخالفين د دغه ډول بريدونو له امله يوازي او يوازي ملکي وګړو ته زيان اړوي او غواړي د خلګو په منځ کي بېره خپره کړي.

راپور: روزالدين ايازي

x

دا هم وګورئ

‏هلمند کي د ۱۹۷ میلیونه افغانیو په ارزښت د ولسي تړون د پروژو چاري پیل سوې

د دې پروګرام لومړنۍ پروژه بست کلا کي پرانیستل سوه، چي د ۱۷ لکه افغانیو ...