ایرلینډ لوبډله د تاند کرکټر مجیب ځدراڼ لپاره چمتو نه وه

24301451_2002884216632833_6930266727502280983_n-750x430

د متحده عربي اماراتو په شارجه کرکټ لوبغالي کي د کوربه افغانستان او ایرلینډ د کرکټ ملي لوبډلو ترمنځ د درو پنځوس اوریزه کرکټ سیالیو لړۍ لومړۍ لوبه د افغان کرکټ ملي لوبډلي په بریا تمامه سوه.

د دواړو کرکټ ملي لوبډلو ترمنځ په سیالۍ کي د ایرلینډ لوبډلمشر د ټاس په ګټلو افغان لوبډلي ته د لومړۍ توپ وهني بلنه ورکړه، چي پکښي افغان لوبډلي د خپلو ۹ لوبغاړو په سوځیدو د ناصر جمال د ۵۳، رحمت شاه زرمتي د ۵۰، راشد خان د ۴۸ او شفیق الله شفق د چټکو ۳۶ منډو په جوړولو سره د ایرلینډ کرکټ ملي لوبډلي ته د ۲۳۹ منډو هدف ورکړ.

خو لکه ایرلینډیان چي د افغانستان په کرکټ ټیم کي د نوي تاند مجیب ځدارڼ د کابو کولو لپاره چمتو نه وو، ځکه خو د ایرلینډۍ کرکټ لوبډلي د توپ وهنې پيل د ځوان لوبغاړي مجیب ځدران لخوا ګډو وډ سو او ټول لوبغاړي یې په ۱۰۰ منډو سره وسوځیدل.

په دې سیالۍ کي افغان لوبډلي ایرلینډ ته د ۱۳۸ منډو په لوی توپیر سره ماته ورکړه.

د کرکټ ۱۹ کلنې ملي لوبډلي څخه د نوي لوبغاړي ځوان مجیب ځدران راتګ د ایرلینډ لپاره خطرناک ثابت سو، نوموړی د لومړي ځل لپاره د کرکټ په ملي لوبډله کي را څرګند سو او د خپل نړیوال کرکټ پیل یې د ۴ ویکټو په اخیستو سره وکړ او په لومړۍ لوبه کي د لوبي غوره لوبغاړی وټاکل سو.

د لوبي تر پیل څو ساعته مخکي د ایرلینډ د ټیم کپټان ویلیم پورټرفیلډ په شارجه کي رسنیو ته ویلي وه، راشد خان د دوی په وړاندي په پخوانیو لوبو کي مهم و، خو افغانستان نور سپینران هم لري او دا به ډیره غوره نه وي چي یوازي پر راشد خان فوکس وسي.

د پورټرفیلډ دا خبره ريښتیا سوه او د راشد خان پر ځای دا ځل مجیب ځدراڼ ورته خطرناک ثابت سو.

24296786_2002913919963196_3083098732279154239_n

 افغان لوبډلي ته له دې وروسته د هري سیالۍ ګټل ځکه ډیر اړین دي، چي د کرکټ نړیوالي شورا ته د موقت ۳ کلن پوره غړیتوب موده په اوږد مهال بدله سي.

په دې وروستیو کي دواړو افغانستان او ایرلینډ د کرکټ ملي لوبډلو ته د کرکټ نړیوالي شورا لخوا بشپړ غړیتوب ورکړل سو، خو دغه غړیتوب یوازي د ۳ کلونو لپاره ورکړل سوی دی او باید په دې موده کي افغان لوبډله د کرکټ نړیوالي شورا لخوا وړاندي سوي شرایط پوره کړي، چي یو له هغې شرایطو څخه د لوبډلي د سیالیو ترسره کول او پکښي بریاوي خپلول دي.

د یادوني وړ ده، چي د دواړو لوبډلو ترمنځ د ۳ پنځوس اوریزه کرکټ سیالیو د لړۍ دوهمه لوبه به د راتلونکې پنجشنبې په ورځ په همدغه شارجه کرکټ لوبغالي کي وسي.

204 ټول کتل سوی شمېر 49 نن کتل سوی شمېر

رد

ستاسو برېښنالیک به هیڅکله خپور نه سي په نښه سوي برخي اړیني دي *

*

x

دا هم وګورئ

1 (66)

افغان سرتېرو په ځانګړو عملياتو کي ۲۱ تنو ترهګرو ته مرګ ژوبله اړولې ده

د 205 اتل قول اوردو څخه په رالېږل سوې خبرپاڼه کي راغلي، چي د ګډو ...